Описание: “Azerfon” şirkəti fəaliyyətinə 2007-ci ilin 21 Mart tarixində “Nar Mobile” ticarət nişanı ilə başlamışdır və qısa vaxt ərzində Azərbaycanın telekommunikasiya və mobil rabitə sahəsində fəaliyyət göstərən qabaqcıl şirkətlərdən birinə çevrilmişidir.

Nar ticarət nişanı Azərbaycanın zəngin mədəni irsinin müasir həyatla bağlılığının rəmzi kimi seçilmişdir.

Şəbəkəmiz respublikamızın 80%-ni əhatə edir. Sərfəli qiymət siyasətimiz, xidmətlərimizin keyfiyyət və sadəliyi bizi qısa vaxt ərzində yüz minlərlə insanın seçiminə çevirib. Hal-hazırda abunəçilərimizin sayı 2 milyondur.

Biz innovativ şirkətik və fəaliyyətə başladığımız ilk gündən etibarən mobil rabitə bazarına müxtəlif yeniliklər töhfə vermişik. Abunəçilərimizin rahatlığı və ödəmələrdə şəffaflığı təmin etmək məqsədilə Azərbaycan mobil bazarında ilk dəfə olaraq manat hesablama sistemli ödəniş üsulunu tətbiq etmişik. Bundan əlavə, Azərbaycanda ilk dəfə olaraq 3G (üçüncü nəsil) texnologiyalarına əsaslanan xidmətlər (video zəng, Mobil TV və s) göstərmişik.

Təqdim etdiyimiz yenilikçi layihələrdən biri də Azərbaycan Hava Yolları (AZAL) və İsveçrənin OnAir şirkətləri ilə birgə AZAL təyyarələrində mobil rabitə xidmətlərinin təmin olunmasıdır. AZAL ilə olan razılaşmaya əsasən abunəçilərimiz hava məkanında da xidmətlərimizdən tam şəkildə faydalanırlar.

Əməkdaşlıq və tərəfdaşlıq şirkətimizin əsas dəyərlərindən biridir. Biz həm yerli, həm də xarici şirkətlərlə əməkdaşlıq edirik.

Hal-hazırda biz FUTURE LAB İnnovativ Texnologiyalar Mərkəzinin yaradılması layihəsi üzərində işləyirik. Bu layihə çərçivəsində gənc istedadlar və informasiya texnologiyaları sahəsində çalışan mütəxəssislər onlar üçün xüsusi olaraq ayrılmış laboratoriyalarda toplaşaraq perpsektiv ideyaların işlənib hazırlanması və tətbiqi üzərində çalışacaqlar. Dünyanın cəmi 5 ölkəsində mövcud olan bu növ mərkəz MDB məkanında ilk dəfə olaraq Azərbaycanda olacaqdır.

Biz abunəçilərimizin daha asan və rahat ünsiyyət qura bilmələri üçün şəbəkəmizi daima təkmilləşdiririk. 2011-ci ildə genişmiqyaslı təkmilləşdirmə işlərinə başlayaraq şəbəkəmizin genişləndirilməsi və gücləndirilməsi üçün 72,1 milyon manat (80 mln. dollar) sərmayə yatırmışıq.

Biz daima genişmiqyaslı sosia