Описание: Выдумане през Теслю в 1900 році долго мусіло ждати аж прийме ся серед найбарже консерватывных Лемків. Давно — бо в уж в 1934 році — переконали ся до той інвенциі Русины на Пряшівскій Руси.

Оголошуєме капітуляцию: не будеме долше операти ся поступови і техніці. Коли цілий світ уж має радийо, будеме мати і МЫ.

Запрашаме до слуханя першого лемківского радия! ЛЕМ.fm Высыламе з Руской Бурсы од 2011 рока. Запрашаме до слуханя і спілтворіня лем.fm
По двох роках діяльности, в радию маме більше як 1 500 авдиций і праві вшыткы по лемківскы, на тему языка, культуры, істориі, політыкы, реліґіі, мистецтва. Маме тісячы годин доброй лемківской музыкы і не лем, соткы годин бесід з цикавыма людми і вельо вельо інчых.
Долов поміщаме выбрану кореспонденцию од Вас і дякуєме за добре слово і рады:
Добриден.
На ночатку хтіла бым сердечні
повіншувати покликаня першого в Польщи
Лемківского Радия. Барз ся тішу же през
остатні рокы так дуже доброго зробено в
справі едукациi і свідомости народовой
Лемків. Іщы раз дякую і віншую!